உலகெங்கும் "ஆண் குழந்தைகளே வேண்டும்" என்ற எண்ணம் மாறி, "ஆண் குழந்தைகள் வேண்டாம், பெண் குழந்தைகளே வேண்டும்" என்ற மனப்போக்கு வளர்ந்து வருவதாக 'தி எகனாமிஸ்ட்' (The Economist) இதழ் கூறுகிறது.

மனித இன வரலாற்றில் முதன்முறையாக இந்தச் சமன்பாடு தலைகீழாக மாறியுள்ளது. பல நாடுகளில் இப்போது ஆண் குழந்தைகளே சுமையாகவும், பெண் குழந்தைகளே வரமாகவும் பார்க்கப்படுவதைப் பல்வேறு ஆய்வுகளின் அடிப்படையில் இக்கட்டுரை சுட்டிக்காட்டுகிறது.

இந்தத் தலைகீழ் மாற்றம் குறிப்பாக மூன்று முக்கியப் பகுதிகளில் மிகத் தெளிவாகத் தெரிகிறது என்கிறது 'தி எகனாமிஸ்ட்':

1. முன்னேறிய நாடுகள் (அமெரிக்கா, ஜப்பான், ஆஸ்திரேலியா):

அமெரிக்கா போன்ற நாடுகளில் தத்தெடுக்கப்படும் குழந்தைகளில் 80% பேர் பெண் குழந்தைகளாகவே இருக்கிறார்கள். ஜப்பானில் நடத்தப்பட்ட கருத்துக் கணிப்பில், "ஒரே ஒரு குழந்தை போதும்" என்று நினைக்கும் தம்பதிகளில் 75% பேர், அது பெண் குழந்தையாக இருக்க வேண்டும் என்றே விரும்புகின்றனர்.

2. சீனா மற்றும் இந்தியா:

உலகின் மிகப்பெரும் மக்கள் தொகை கொண்ட இவ்விரு நாடுகளிலும் இந்த மாற்றம் தலைகீழாக நிகழ்ந்துள்ளது. சீனாவில் 2004-ஆம் ஆண்டில் 100 பெண் குழந்தைகளுக்கு 121 ஆண் குழந்தைகள் என்ற உச்சத்தில் இருந்த பாலின விகிதம், சமீபத்தில் சுமார் 109.8 ஆகக் குறைந்துள்ளது.

இதேபோல் இந்தியாவிலும் இந்த விகிதம் முன்னேற்றமடைந்து, தற்போது 100 பெண் குழந்தைகளுக்குச் சுமார் 106.8 ஆண் குழந்தைகள் என்ற அளவில் உள்ளது.

3. தென்கிழக்கு ஆசியா மற்றும் காக்கேசிய நாடுகள்:

வியட்நாம், வங்கதேசம் மற்றும் ஜார்ஜியா போன்ற நாடுகளிலும் ஆண் குழந்தைகளுக்கான மோகம் குறைந்து வருகிறது. பெண் குழந்தைகளின் கல்வி மற்றும் முன்னேற்றத்தில் பெற்றோர்கள் அதிக அக்கறை காட்டத் தொடங்கியுள்ளதாக 'தி எகனாமிஸ்ட்' குறிப்பிடுகிறது.

ஏன் இந்தத் தலைகீழ் மாற்றம்?

ஒரு மகன் திருமணமாகிச் சென்றபின் தன் பெற்றோரைப் கவனிப்பதை விட, ஒரு மகள் தன் வாழ்நாள் முழுவதும் பெற்றோரின் உடல்நலம் மற்றும் உணர்ச்சிப்பூர்வமான தேவைகளில் அதிக அக்கறை காட்டுகிறார் என்ற எண்ணம் உலகளாவிய ரீதியில் அதிகரித்துள்ளது. "மருமகள் வந்தபின் மகன், மருமகளின் கணவனாக மாறிவிடுகிறான். ஆனால், மகள் சாகும் வரை நம் மகளாகவே இருக்கிறாள்" என்பதே பெற்றோரின் கருத்தாக இருக்கிறது.

தவிர, இன்று உலகெங்கிலும் உள்ள பல்கலைக்கழகங்களில் ஆண்களை விடப் பெண்களே அதிக அளவில் பட்டம் பெறுகிறார்கள். இதனால் குடும்பத்தின் பொருளாதாரச் சுமையைத் தாங்கும் திறன் பெண்களிடம் அதிகம் இருப்பதாகப் பெற்றோர்கள் நம்புகிறார்கள்.

இன்றைய கார்ப்பரேட் உலகில் உடல் உழைப்பை விட மென்திறன்கள் (Soft Skills), பொறுமை மற்றும் தகவல் தொடர்புத் திறன்களுக்கே (communication) அதிக மதிப்பு கிடைக்கிறது. இந்தப் பண்புகளில் பெண்கள் இயல்பாகவே சிறந்து விளங்குவதால், அவர்கள் சிறந்த வருமானம் ஈட்டுபவர்களாக மாறுகிறார்கள்.

ஒரு காலத்தில் "குலத்தைக் காப்பவன்" என்று போற்றப்பட்ட ஆண் குழந்தைகள், இன்று பல நாடுகளில் ஒரு பிரச்சினையாகவே பார்க்கப்படுகிறார்கள் என்கிறது 'தி எகனாமிஸ்ட்'. இதற்குச் சில முக்கியக் காரணங்கள்:

* ஆண் குழந்தைகள் கல்வியில் பின்தங்குவது (The Male Crisis in Education).

* போதைப் பழக்கம் மற்றும் குற்றச் செயல்களில் சிக்கும் அபாயம் ஆண்களுக்கு அதிகம் இருப்பது.

* வேலையில்லாத் திண்டாட்டத்தால் நீண்ட காலம் பெற்றோரைச் சார்ந்து இருப்பது.

ஆக, பெண்களுக்கு எதிரான பாகுபாடு (Discrimination) மறைந்து வருவது மகிழ்ச்சி அளித்தாலும், "எந்தக் குழந்தையாக இருந்தால் என்ன? அக்குழந்தையைச் சிறந்த முறையில் வளர்ப்போம்" என்ற எண்ணம் வரும்போதுதான் மக்கள் மனதில் உண்மையான மாற்றம் ஏற்பட்டதாகக் கருத முடியும்.

~ நியாண்டர் செல்வன்

பனிப் பாலைவனத்தின் கீழ் அமேசான் காடு... அண்டார்டிகாவில் 2 கி.மீ ஆழத்தில் காடுகள் கண்டுபிடிப்பு!

அண்டார்டிகாவின் 2,000 மீட்டர் பனிப்படலத்திற்கு அடியில் 34 மில்லியன் ஆண்டுகள் பழமையான காடுகளின் தடயங்களை விஞ்ஞானிகள் கண்டறிந்துள்ளனர். மனித வரலாற்றையே மாற்றியமைக்கப்போகும் ஒரு ரகசியத்தை தன்னுள் ஒளித்து வைத்திருந்தது.

அண்டார்டிகாவின் கடும் குளிர்... ஜெட் விமானத்தின் இஞ்சின் சத்தம்போல சுழன்றடிக்கும் ஊதைக் காற்று... மைனஸ் டிகிரியில் உறைந்து போகும் விரல்கள். இந்தச் சூழலில், விஞ்ஞானிகள் குழு ஒன்று 2,000 மீட்டர் ஆழத்திற்குப் பனியைத் துளைத்துக் கொண்டிருந்தது. திடீரென, இரண்டு கிலோமீட்டர் ஆழத்தில் துளையிடும் கருவி ஏதோ ஒன்றின் மீது மோதியது. வெளியே எடுக்கப்பட்டபோது, அது பனிக்கட்டி அல்ல; காபித் தூள் நிறத்தில் இருந்த ஈரமான சேறு. அந்த ஒரு துண்டுச் சேறு, மனித வரலாற்றையே மாற்றியமைக்கப்போகும் ஒரு ரகசியத்தை தன்னுள் ஒளித்து வைத்திருந்தது.

அந்தச் சேற்றை மைக்ரோஸ்கோப்பில் பார்த்த விஞ்ஞானிகள் அதிர்ந்துபோனார்கள். கோடிக்கணக்கான ஆண்டுகளுக்கு முந்தைய மகரந்தத் துகள்கள், இலைகளின் சிதைவுகள் மற்றும் விசித்திரமான நுண்ணுயிரிகள் இருந்தன. இதன் மூலம் தெரியவரும் உண்மை என்னவென்றால் சுமார் 3.4 கோடி ஆண்டுகளுக்கு முன்பு, அண்டார்டிகா இப்போது இருப்பதுபோல வெறும் வெள்ளை நிறப் பாலைவனம் அல்ல. அங்கே ஆறுகள் ஓடிக்கொண்டிருந்தன; சதுப்பு நிலங்கள் இருந்தன; பசுமையான அடர்ந்த காடுகள் செழித்து வளர்ந்திருந்தன. சுருக்கமாகச் சொன்னால், இன்று நாம் பார்க்கும் வெப்பமண்டலக் காடுகளைப் போலவே அண்டார்டிகாவும் ஒரு காலத்தில் பசுமையாக இருந்திருக்கிறது!

விஞ்ஞானிகள் இந்த நிகழ்வை ஒரு சுவாரசியமான உதாரணத்துடன் விளக்குகிறார்கள். ஒரு செழிப்பான காட்டை அப்படியே ‘பாஸ்’ செய்து, அதன் மேல் 2,000 மீட்டர் தடிமனான பனிக்கட்டியைப் போர்த்தி மறைத்து வைத்தது போல இது இருக்கிறது. இந்தச் சேற்றில் உள்ள ‘வேதியியல் கைரேகைகளை’ ஆய்வு செய்தபோது, அந்தப் பகுதி நீண்ட காலம் ஒரு நிலையான உயிர்ச்சமூகமாக இருந்திருப்பது உறுதியாகியுள்ளது.

இந்தக் கண்டுபிடிப்பு வெறும் ஆச்சரியம் மட்டுமல்ல, நமக்கான ஒரு எச்சரிக்கையும் கூட. பூமி ஒரு குறிப்பிட்ட வெப்பநிலையை எட்டியபோது, பசுமையாக இருந்த அண்டார்டிகா மிக வேகமாகப் பனிக்கட்டியாக மாறத் தொடங்கியது. அன்று பூமி குளிர்ந்ததால் காடுகள் பனியாகின. இன்று நாம் பூமியை வேகமாக வெப்பப்படுத்தி வருகிறோம். இதன் விளைவாக, இந்தப் பனிப்பாறைகள் உருகினால், கடல் மட்டம் பல மீட்டர்கள் உயர்ந்து உலக வரைபடத்தையே மாற்றிவிடும் அபாயம் உள்ளது. அண்டார்டிகா நம்மிடம் பல விஷயங்களைச் சொல்லக் காத்திருக்கிறது. ஒவ்வொரு புதிய மண் மாதிரியும் நமது தவறான கணிப்புகளைத் திருத்தி உண்மையை உணர்த்துகிறது என்கின்றர் ஆராய்ச்சியாளர்கள்.

பனியைத் துளைத்து அந்தச் சேற்றை எடுப்பது சாதாரணமான காரியம் அல்ல. ராட்சத சூடான நீர் பீய்ச்சியடிக்கும் கருவி (Hot-water drill) மூலம் கண்ணாடியைப் போன்ற நேர்த்தியான துளை போடப்பட்டது. பிறகு, எந்தக் கிருமிகளும் அண்டாதவாறு மிகவும் பாதுகாப்பாக அந்த மண் மாதிரிகள் மேலே கொண்டு வரப்பட்டன. இது ஒரு கிரகத்தின் மீது செய்யப்படும் ‘அறுவை சிகிச்சை’ போலவே இருந்தது.

மனிதர்கள் தோன்றுவதற்கு பல கோடி ஆண்டுகளுக்கு முன்பே ஒரு உலகம் இங்கே வாழ்ந்து மறைந்திருக்கிறது. அந்தப் பழைய காடுகள் இன்று சேறாக மாறி, நமது எதிர்காலத்தைப் பற்றி எச்சரிக்கின்றன. நாம் இன்று உருவாக்கும் பிளாஸ்டிக்குகளும், நகரங்களும் இன்னும் பல கோடி ஆண்டுகள் கழித்து இது போன்ற ஒரு மண் அடுக்காக மாறும் போது, எதிர்கால விஞ்ஞானிகள் நம்மைப் பற்றி என்ன நினைப்பார்கள்?

Meenakshi Sundaram S

காலையில் எழுந்ததும் வெறும் வயிற்றில் தண்ணீர் குடிப்பது நல்லது. என்று கேள்விப்பட்டிருப்போம். இப்படி தண்ணீர் குடிப்பது... பி.பி., சுகர், புற்றுநோய், காசநோய் என்று பலவற்றுக்கும் தீர்வு தருகிறது என்றால் ஆச்சரியமான விஷயம் தானே..
இது ஜப்பான் மற்றும் சீனாவில் பிரபலமாக இருக்கிறதாம். அங்கே அறிவியல் பூர்வமாகவும் இந்த தண்ணீர் வைத்தியம் நிரூபிக்கப்பட்டிருக்கிறதாம். காலையில் பல் துலக்கும் முன் 50 மிலி அளவு டம்ளரில் நான்கு டம்ளர்கள் தண்ணீர் குடிக்க வேண்டும். சுட வைத்து ஆரிய வெந்நீர் நல்லது. பிறகு பல் துலக்கி விட்டு, 45 நிமிடத்துக்கு பிறகு தான் உணவோ பானங்களோ சாப்பிட வேண்டும்.
உணவு எடுத்துக் கொண்ட பிறகு, 2 மணி நேரம் வரை வேறு உணவுளையோ பானங்களையோ சாப்பிடக் கூடாது.
இந்த முறையைக் கையாண்டால்... உயர் ரத்த அழுத்தம், நீரிழிவு ஆகியவை 30 நாட்களிலும், காசநோய் 90 நாட்களிலும், குணமாகிவிடு மாம். ஒன்று நிச்சயம். இந்த சிகிச்சை முறையால் பலன் கிடைக்கிறதோ இல்லையோ நிச்சயம் பக்க விளைவு இருக்காது. எனவே முயற்சித்துத் தான் பார்க்கலாமே...
#fblifestyle #tamilfoods

சங்ககால Soup boy

இரு பாலரும் காதலித்து அதன்பின் காதலி,காதலனை கைவிட்டால் அந்த ஆடவருக்கு "Soup boy" என தற்போதைய தலைமுறை பெயர் சூட்டியுள்ளதை பார்த்துள்ளோம்.

விரக்தியடைந்த ஆடவன் காதலி வீட்டுமுன் சென்று"என்னம்மா இப்டி பன்றிங்களேமா" என சோமபானம் அருந்தி கலாட்டா செய்வதை திரைப்படங்களில் கண்டுள்ளோம். இதைப்போல காதலியால் கைவிடப்பட்டு கடைசியில் வேறுவழியின்றி அந்த காதலியை உட்சபட்சமாய் அவமானப்படுத்தப்படும் நிகழ்வு "மடலேறும் நிலை" என சங்க இலக்கியம் சுட்டுகிறது.

“வயங்கு வெயில் நெமியப் பாஅய்மின்னுவசியு
மயங்குதுளி பொழிந்த பானாட் கங்குல்
ஆராக் காமம் ஆடூஉ நின் றலைப்ப
இறுவரை வீழ்நரின் நடுங்கி"

தன் காதல் கைகூடாத நிலையில் இறப்புக்கும் அஞ்சுவது இல்லை என்பதை அகநானூறு எடுத்துக் காட்டுகிறது. காதல் கைகூடாத நிலையில் மலையில் இருந்து விழுந்து உயிர்விடுதலும் நிகழும் என்பதை மேற்கண்ட அகப்பாடல் குறிக்கிறது.

மடல் என்பது பனைமட்டை, ஓலையைக் குறிக்கும். இவற்றைக்கொண்டு குதிரை மாதிரி ஒரு பதுமைகட்டி ஊரில் தெருவில் மன்றத்தில் நிறுத்தி அதன் மேலமர்ந்து காதலன் அணியக்கூடாத பூக்களை அணிந்து தன்னை இந்நிலைக்கு ஆளாக்கிய பெண் இவள்தான் என்று ஊரார்க்கு அறியச் செய்வான். அதனால் அக்குழுவினுள் நெருக்கடி ஏற்பட்டு அந்தப் பெண்ணை அவனுக்கு மணம் செய்து வைத்த வழக்கம் மிகவும் தொன்மையானது. தொல்காப்பியம் மடலேறுதல் துறையைப் பெருந்திணை என்ற ஒவ்வாக்காமத்தில் அடக்கித் தண்டித்தது. குறிஞ்சி, நெய்தல் திணைகளில் கைக்கிளைக் காமத்தில் வைத்துப் பாடப்பட்டது.

🧠 மூளை பக்கவாதம் (Brain Stroke) – அறிகுறிகள் & எச்சரிக்கைகள்

மூளைக்கு செல்லும் இரத்த ஓட்டம் திடீரென குறையும்போது அல்லது நிறுத்தப்படும்போது மூளை பக்கவாதம் ஏற்படுகிறது. மூளை செல்களுக்கு தொடர்ந்து ஆக்சிஜன் தேவைப்படுவதால், அறிகுறிகள் திடீரென தோன்றும். இதை ஒருபோதும் அலட்சியம் செய்யக் கூடாது.

---

🚨 மூளை பக்கவாதத்தின் பொதுவான அறிகுறிகள்

👉 திடீர் பலவீனம் / முடக்கம்
• முகம், கை, கால் அசைவிழப்பு
• உடலின் ஒரு பக்கம் மட்டும் பாதிப்பு
• சிரிக்கும் போது முகம் ஒரு பக்கம் சாய்வு

👉 பேச்சில் சிரமம்
• சொற்கள் தெளிவில்லாமல் பேசுதல்
• வார்த்தைகள் வராமல் தடுமாற்றம்
• மற்றவர்கள் சொல்வதை புரிந்து கொள்ள முடியாமை

👉 பார்வை கோளாறு
• மங்கலான பார்வை
• ஒரு அல்லது இரண்டு கண்களில் பார்வை இழப்பு
• இரட்டை பார்வை

👉 திடீர் கடுமையான தலைவலி
• காரணமில்லாத மிகக் கடும் வலி
• “வாழ்க்கையில் இதுவரை இல்லாத வலி” என உணர்வு

👉 தலைசுற்றல் / சமநிலை இழப்பு
• நடக்க முடியாமை
• தடுமாற்றம்
• சுற்றுப்புறம் சுழல்வது போல உணர்வு

👉 திடீர் குழப்பம்
• எங்கு இருக்கிறோம் என்ற குழப்பம்
• தெளிவாக யோசிக்க முடியாமை

---

🧠 FAST சோதனை – எளிய அடையாளம்

F – Face (முகம்)
👉 சிரிக்கச் சொல்லுங்கள் – ஒரு பக்கம் சாய்கிறதா?

A – Arm (கை)
👉 இரண்டு கைகளையும் உயர்த்தச் சொல்லுங்கள் – ஒன்று கீழே விழுகிறதா?

S – Speech (பேச்சு)
👉 ஒரு எளிய வாக்கியம் சொல்லச் சொல்லுங்கள் – பேச்சு தெளிவில்லையா?

T – Time (நேரம்)
👉 ஏதேனும் ஒன்று இருந்தால் உடனே மருத்துவமனைக்கு!

---

⚠️ அரிதான ஆனால் முக்கிய அறிகுறிகள்

• உடலின் ஒரு பக்கத்தில் திடீர் மயக்கம் / சிணுங்கல்
• விழுங்குவதில் சிரமம்
• நினைவிழப்பு
• திடீர் மயக்கம் (அபூர்வம், ஆனால் ஆபத்தானது)

---

⏱️ ஏன் உடனடி சிகிச்சை அவசியம்?

• சில நிமிடங்களிலேயே மூளை செல்கள் சேதமடைய தொடங்கும்
• நேரத்தில் சிகிச்சை கிடைத்தால்
✔️ நிரந்தர ஊனம் தவிர்க்கலாம்
✔️ உயிரைக் காப்பாற்றலாம்

---

🛑 முக்கிய செய்தி

• மூளை பக்கவாத அறிகுறிகள் திடீர்
• பெரும்பாலும் வலியில்லாமல் இருக்கும்
• “சரி ஆகிவிடும்” என்று காத்திருக்கக் கூடாது
• உடனடி மருத்துவ உதவி கட்டாயம்

⭐ திடீர் பலவீனம், பேச்சு தடுமாற்றம், பார்வை இழப்பு இருந்தால் – அவசர நிலை!
⏰ நேரம் காப்பாற்றினால், மூளை காப்பாற்றப்படும்.

பிழைக்க தெரியணும். சிரியுங்கள்! சிந்தியுங்கள்!

அதிலும் சாமர்த்தியமாக பிழைக்க தெரியணும்..

ஒரு நாள், நாய் ஒன்று காட்டில் வழி தவறி சென்று விட்டது.

அப்பொழுது, அங்கு சிங்கம் ஒன்று பசியோடு அலைவதை பார்த்த நாய், ஒரு நிமிடம் பதறி இன்றோடு நம் கதை முடிந்தது என்று எண்ணியது.

அப்பொழுது அங்கு கிடந்த எலும்பு துண்டுகளைப் பார்த்ததும் அருமையான திட்டம் ஒன்றை தீட்டியது.

சிங்கம் வரும் வழியில் திரும்பி உக்கார்ந்து கொண்டு, எலும்பு துண்டுகளை சுவைக்க தொடங்கியது.

சுவைத்து கொண்டே சத்தமாக, சிங்கத்தை கொன்று தின்பது எவ்வளவு சுவையாக உள்ளது, ஆனால் வயிறு நிறையவில்லை. இன்னொரு சிங்கம் கிடைத்தால், ஆஹா! வயறு நிறைந்து விடும்" என்று கூறியது.

இதைக் கேட்ட சிங்கம் "அய்யோ..! இந்த நாய் சிங்கத்தை அல்லவா கொன்று தின்கிறது" என்று நினைத்து பயந்து அங்கிருந்து ஓடி போனது.

இதையெல்லாம் மரத்தின் மேல் இருந்து குரங்கு ஒன்று பார்த்து கொண்டிருந்தது.

சிங்கத்தை ஏமாற்றிய இந்த நாயை சிங்கத்திடம் போட்டுக் கொடுத்தால், சிங்கத்தின் நடப்பை பெற்று வாழ் நாளெல்லாம் பயம் இல்லாமல் வாழலாம் என்று நினைத்தது.

உடனே சிங்கத்திடம் சென்று, நாய் செய்த தந்திரத்தைப் பற்றி சொன்னது.

அதை கவனித்த நாய், எதோ தப்பு நடக்க போகிறது என்று உணர்ந்தது.

குரங்கு சொன்னதைக் கேட்ட சிங்கம் கோபம் கொண்டு, "இப்பொழுது அந்த நாயை என்ன செய்கிறேன் பார். நீ என் முதுகில் ஏறிக் கொள்" என்று குரங்கை முதுகில் ஏந்திய படி நாய் இருந்த இடத்தை நோக்கி ஓடியது.

தன்னை நோக்கி சிங்கம் பாய்ந்து வருவதைப் பார்த்த நாய், முன் போலவே திரும்பி உட்கார்ந்து கொண்டு, "இந்த குரங்கை அனுப்பி ஒரு மணி நேரமாகிவிட்டது. இன்னும் ஒரு சிங்கத்தைக் கூட ஏமாற்றி அழைத்து வரவில்லையே" என்று உரக்க கூறியது.

இதை கேட்டதும், சிங்கம் குரங்கைத் தூக்கி எறிந்து விட்டு திரும்பிக்கூட பார்க்காமல் ஓடியே விட்டது.

நாம் பணிபுரியும் இடத்தில் பல குரங்குகள் நம்மை சுற்றி இருக்கலாம், அவர்களை அடையாளம் காண முயற்சி செய்யுங்கள்.

"கடுமையாக உழைப்பதை (Hard Work) விட திறமையாக உழைக்கக் (Smart Work) கற்று கொள்ள வேண்டும்".

பகிர்வு: திரு. விக்டர்,

அந்த எம்.ஆர்.ஐ (MRI) ஸ்கேனைப் பார்த்தபோது, மருத்துவமனையின் ஏசி குளிரையும் மீறி என் முதுகுத்தண்டில் ஒரு நடுக்கம் பரவியது. அது கறுப்பு வெள்ளையில் அச்சிடப்பட்ட ஒரு மரண சாசனம்.

இந்த மருத்துவமனையில் என்னை ஒரு ஜாம்பவான் என்று சொல்வார்கள். என் பெயர் டாக்டர் சரவணன், ஓய்வு பெற்ற வாஸ்குலர் அறுவை சிகிச்சை நிபுணர். நாற்பது ஆண்டுகளை மனித உடல்களுக்குள்ளேயே கழித்தவன் நான். சென்னையின் தெருக்களை விட நம் உடலின் ரத்த நாளங்களின் வரைபடம் எனக்கு அத்தனை அக்குவேறாகத் தெரியும். துடிக்கும் இதயங்களை என் உள்ளங்கைகளில் தாங்கியிருக்கிறேன்; கூரை வரை பீய்ச்சி அடித்த ரத்தக் கசிவுகளைக் கட்டுப்படுத்தியிருக்கிறேன். ஆனால் அந்த ஸ்கேனைப் பார்த்தபோது, பல தசாப்தங்களில் முதல்முறையாக, நான் ஒரு மருத்துவனாக உணரவில்லை; ஒரு ஏமாற்றுக்காரனாக உணர்ந்தேன்.

நோயாளி கௌரி. வயது இருபத்தி ஆறு. மின்சாரக் கட்டணம் செலுத்தவே இரண்டு ஷிப்டுகள் வேலை செய்யும் ஒரு தனித்து வாழும் தாய். காபி ஊற்றிக் கொண்டிருந்தபோது அப்படியே சரிந்து விழுந்திருக்கிறாள். அவள் மூளையில் இருந்த அந்த ரத்த நாள வீக்கம் (Aneurysm) வெறும் ஒரு நோய் அல்ல; அது ஒரு அரக்கன். ஒரு மலைப்பாம்பைப் போல அவளது மூளைத் தண்டின் மிக மென்மையான பகுதிகளை அது சுற்றியிருந்தது.

"சரவணன், இது அறுவை சிகிச்சை செய்ய முடியாத நிலை," என்று நரம்பியல் துறைத் தலைவர் தலையை அசைத்தார். "நீ உள்ளே போனால், டேபிளிலேயே ரத்தக் கசிவு ஏற்பட்டு அவள் இறந்துவிடுவாள். அப்படியே விட்டால், அடுத்த 48 மணி நேரத்திற்குள் அது வெடித்துவிடும். எப்படிப் பார்த்தாலும் அவள் இறப்பது உறுதி."

மருத்துவத் துறையில், அபாயங்களை எடைபோடவே நாங்கள் பழகியிருக்கிறோம். தோல்வி விகிதம் மற்றும் பொறுப்புகளைப் பற்றி நாங்கள் கவலைப்படுகிறோம். தர்க்கரீதியாகப் பார்த்தால்: இதைத் தொடாதே. அங்கிருந்து நகர்ந்துவிடு. இயற்கை அதன் வேலையைச் செய்யட்டும் என்றுதான் தோன்றியது.

ஆனால் நான் கௌரியின் கண்களைப் பார்த்தேன். அங்கே அவளது நான்கு வயது சிறுமி, தேய்ந்து போன காலணிகளை அணிந்துகொண்டு, காத்திருப்பு அறையில் ஒரு புத்தகத்தில் வண்ணம் தீட்டிக் கொண்டிருப்பதைப் பார்த்தேன். கௌரி இறந்தால், அந்தச் சிறுமி அனாதையாகிவிடுவாள். உடனே அறுவை சிகிச்சைக்கான நேரத்தை ஒதுக்கும்படி நிர்வாகத்திடம் சொன்னேன். நானே அந்த வழக்கைக் கையாளுவதாகக் கூறினேன். அனைவரும் என்னை ஒரு பைத்தியக்காரனைப் போலப் பார்த்தார்கள். ஒருவேளை நான் அப்படித் தான் இருந்தேனோ என்னவோ.

அறுவை சிகிச்சைக்கு முந்தைய இரவு, என் அலுவலகத்தில் விளக்குகளை அணைத்துவிட்டு அமர்ந்திருந்தேன். வெளியே நகரத்தின் விளக்குகள் மின்னின, ஆனால் உள்ளே ஒரு உயிர் ஊசலாடிக் கொண்டிருப்பதைப் பற்றி அந்த உலகம் கவலைப்படவில்லை. நான் பயந்திருந்தேன். பாறையைப் போல உறுதியாக இருக்கும் என் கைகள் லேசாக நடுங்கின. கடைசி முறையாக ஸ்கேன்களைப் பார்த்தேன். எந்த வழியும் தெரியவில்லை. எந்தப் பக்கம் தொடங்குவது என்று புரியவில்லை. அது ஒரு தற்கொலை முயற்சி போன்றது.

நான் அறிவியலை நம்புபவன். கத்தரிக்கோலையும், தையல்களையும், ரத்த அழுத்தத்தையும் நம்புபவன். ஆனால் என் மேஜையில், மருத்துவ இதழ்களுக்குப் பின்னால், ஒரு சிறிய பழைய லேமினேட் செய்யப்பட்ட 'வைத்தீஸ்வரன்' படம் இருந்தது. நான் மருத்துவக் கல்லூரியில் சேர்ந்தபோது என் பாட்டி கொடுத்தது. "மருத்துவம் உடலைக் தான் குணப்படுத்தும், ஆனால் மனிதனை குணப்படுத்துவது அவன் மனதை குணப்படுத்துவது கடவுள் மட்டுமே" என்று அவர் சொல்வார்.

நான் அந்தப் படத்தை எடுத்தேன். முறையான பிரார்த்தனை எதுவும் செய்யவில்லை. கௌரியின் ஃபைல் மீது என் கையை வைத்து, அந்தப் படத்தைப் பார்த்து இருட்டில் மெதுவாகப் பேசினேன்.

"ஹே பிரபோ," என் குரல் தழுதழுத்தது. "இந்த ஒரு முறைக்கு என் கைகள் மட்டும் போதாது. நான் கீழே வேலை செய்யும் ஒரு மெக்கானிக் மட்டுமே. நாளை காலை, நீங்கள் என்னுடன் இருக்க வேண்டும். என் கைகளை நான் உங்களுக்குத் தருகிறேன், ஆனால் உங்கள் ஞானத்தை எனக்குத் தாருங்கள். நீங்களே அந்த அறுவை சிகிச்சை நிபுணராக இருக்க வேண்டும்."

அடுத்த நாள் காலை, அறுவை சிகிச்சை அறை மிகவும் குளிர்ச்சியாக இருந்தது. அங்கு நிலவிய பதற்றம் காற்றில் கனத்தது. செவிலியர்கள் அமைதியாக நகர்ந்தார்கள்; மயக்க மருந்து நிபுணர் என் கண்களைப் பார்க்கத் தயங்கினார். நாங்கள் ஒரு மரணப் போராட்டத்திற்குள் நுழைகிறோம் என்பது அனைவருக்கும் தெரிந்திருந்தது.

நாங்கள் அறுவை சிகிச்சையைத் தொடங்கினோம்.

ஸ்கேனில் பார்த்ததை விட நிலைமை மோசமாக இருந்தது. ரத்த நாளத்தின் சுவர் காகிதத்தைப் போல மெல்லியதாக, ஆக்ரோஷமாகத் துடித்துக் கொண்டிருந்தது. ஒரு சிறிய தவறான மூச்சு அல்லது ஒரு மைக்ரோஸ்கோபிக் நடுக்கம் ஏற்பட்டால் கூட அது வெடித்துவிடும்.

நான் மைக்ரோ-சிஸர்ஸை எடுத்தேன். அதுதான் அந்த முக்கியமான தருணம்.

திடீரென்று, அந்த அறையே நிசப்தமானது. அமைதி மட்டுமல்ல, ஒரு முழுமையான வெற்றிடம் போன்ற நிசப்தம். மானிட்டர்களின் பீப் சத்தங்கள் பின்னணியில் மறைந்தன.

ஒரு விசித்திரமான கதகதப்பு என் தோள்களில் பரவி, என் கைகள் வழியாக விரல் நுனிகளுக்குச் சென்றது. அது அட்ரினலின் (Adrenaline) அல்ல - எனக்கு அட்ரினலின் பற்றித் தெரியும், அது வேகமானது. இதுவோ... ஒரு முழுமையான, கனமான அமைதி.

என் கைகள் மிக வேகமாக நகரத் தொடங்கின.

ஒன்றைத் தெளிவாகச் சொல்கிறேன்: நான் அவற்றை இயக்கவில்லை. அவை நகர்வதை நான் பார்த்துக் கொண்டிருந்தேன்.

நான் ஒருபோதும் பயிற்சி செய்யாத நுணுக்கமான முறைகளைச் செய்தேன். எழுபது வயது முதியவரால் முடியாத வேகம் மற்றும் துல்லியத்துடன் என் விரல்கள் நடனமாடின. மூளைத் தண்டிலிருந்து மில்லிமீட்டர் தொலைவில் இருக்கும் திசுக்களைச் சற்றும் தயக்கமின்றிப் பிரித்தேன். கண்ணுக்குத் தெரியாத இடங்களில் கூட, ஒரு உள்ளுணர்வு என்னை வழிநடத்த, கிளிப்புகளைப் பொருத்தினேன்.

"பிபி (BP) சீராக இருக்கிறது," என்று மயக்க மருந்து நிபுணர் அதிர்ச்சியுடன் கிசுகிசுத்தார்.

நான் பதில் சொல்லவில்லை. என்னால் முடியவில்லை. நான் ஒரு ஆழ்ந்த நிலையில் இருந்தேன். யாரோ ஒருவன் எனக்குப் பின்னால் நின்று, என் முழங்கைகளை வழிநடத்தி, என் மணிக்கட்டுகளை நிலைப்படுத்துவது போல உணர்ந்தேன்.

வேறொரு மருத்துவர் அந்த இடத்திற்கு வந்துவிட்டது போன்ற ஒரு வலிமையான இருப்பை நான் உணர்ந்தேன்.

நாற்பத்தைந்து நிமிடங்களுக்குப் பிறகு, கடைசி கருவியை தட்டில் போட்டேன்.

"ரத்த நாள வீக்கம் நீக்கப்பட்டது," என்றேன். என் குரல் எனக்குத் தூரமாகக் கேட்டது. "தையல் போடுங்கள்."

அந்த அறையே ஆர்ப்பரித்தது. செவிலியர்கள் அழுதுகொண்டிருந்தார்கள். அங்கிருந்த மற்ற மருத்துவர்கள் மானிட்டர்களை நம்ப முடியாமல் பார்த்தார்கள். ஒரு சொட்டு ரத்தம் கூட வீணாகவில்லை. அது கற்பனை செய்ய முடியாத அளவுக்கு மிகச் சரியாக இருந்தது.

நான் என் அங்கிகளைத் துடைத்துவிட்டு, கைகழுவும் இடத்திற்குச் சென்றேன். கண்ணாடியில் என்னைப் பார்த்தேன். வழக்கமாக இது போன்ற ஒரு அறுவை சிகிச்சைக்குப் பிறகு, நான் சோர்வடைந்து, வியர்வையில் நனைந்து, முதுகு வலியால் துடிப்பேன்.

ஆனால் இப்போது நான் வியர்க்கவில்லை. அமைதியாக இருந்தேன். எனக்குச் சோர்வே தெரியவில்லை.

என் சுருங்கிய, வயதான கைகளைப் பார்த்தேன். அவை இன்று ஒரு தாயைக் காப்பாற்றியிருக்கின்றன. ஒரு சிறுமி அனாதையாவதைத் தடுத்திருக்கின்றன. ஆனால் எனக்கு உண்மை தெரியும்.

நான் என் அலுவலகத்திற்குச் சென்று, அந்த வைத்தீஸ்வரன் படத்தை எடுத்து மீண்டும் என் பாக்கெட்டில் வைத்துக் கொண்டேன்.

ஒரு வாரம் கழித்து கௌரியின் டிஸ்சார்ஜ் பேப்பர்களில் கையெழுத்திட்டேன். கௌரி தன் மகளின் கையைப் பிடித்துக்கொண்டு வெளியே நடந்தாள். கண்கள் பனிக்க அவள் எனக்கு நன்றி சொன்னாள், என்னை ஒரு 'கடவுள்' என்று அழைத்தாள்.

நான் புன்னகைத்துத் தலையசைத்தேன். "நான் இதைத் தனியாகச் செய்யவில்லை," என்று அவளிடம் சொன்னேன்.

நான் செவிலியர் குழுவைக் குறிப்பிடுவதாக அவள் நினைத்தாள். ஆனால் அந்த நாளில் தலைமை அறுவை சிகிச்சை நிபுணர் யார் என்று எனக்குத் தெரியும்.

அறிவியலால் 'எப்படி' என்பதை விளக்க முடியும். ரத்த ஓட்டத்தையும் நரம்புகளையும் விளக்க முடியும். ஆனால் 'ஏன்' என்பதை அதனால் விளக்கவே முடியாது. ஒரு மனிதன், சாத்தியமற்ற ஒன்றை எதிர்கொள்ளும்போது, வழி இல்லாத இடத்தில் எப்படி ஒரு வழியைக் கண்டுபிடிக்கிறான் என்பதை அறிவியலால் விளக்க முடியாது.

சில நேரங்களில், நீங்கள் வெறும் ஒரு கருவிதான் என்பதை ஒப்புக்கொள்ள வேண்டும். அந்தச் செவ்வாய்க்கிழமை, அறுவை சிகிச்சை அறை எண் 4-ல், 'மகா மருத்துவர்' பணியில் இருந்தார்.

எப்போதும் நம்பிக்கையை இழக்காதீர்கள். ஸ்கேன் இருட்டாக இருந்தாலும், உலகம் முடிந்துவிட்டது என்று சொன்னாலும் சரியே. அற்புதங்கள் எப்போதும் மின்னலுடனும் இடியுடனும் வருவதில்லை. சில நேரங்களில், அவை ஒரு ஜோடி நிதானமான கைகள் மற்றும் ஒரு மௌனமான பிரார்த்தனையுடன் வருகின்றன.

-மொழிபெயர்ப்பு பதிவு

Karthikeyan selvaraj

🚴‍♀️💚 சைக்கிள் ஓட்டுவது – உடலை மட்டுமல்ல, “லிம்பாட்டிக் சிஸ்டம்” எனும் உடலின் மறைமுக சுத்திகரிப்பு இயந்திரத்தையும் ஆரோக்கியமாக வைத்திருக்கும்! 🌿✨

பலருக்கு சைக்கிள் ஓட்டுவது என்பது உடல் எடையை குறைக்கவும், கால்களை வலுப்படுத்தவும் மட்டுமே பயன்படுகிறது என்ற எண்ணமே இருக்கும்.

ஆனால் உண்மையில், இது நம் உடலில் நச்சு நீக்கமும், நோய் எதிர்ப்பு சக்தியும் மேம்படுத்தும் ஒரு இயற்கை மருந்து! 🙏

---

💎 சைக்கிள் ஓட்டுவதால் லிம்பாட்டிக் சிஸ்டத்திற்கு கிடைக்கும் நன்மைகள்:

1️⃣ Muscle Pump – இயற்கை பம்ப் செயல்பாடு

👉 நம் உடலில் இதயம் போல லிம்ப் சிஸ்டத்திற்கு தனியான “pump” இல்லை.

👉 சைக்கிள் ஓட்டும்போது கால்கள், மையம் (core) மற்றும் கைகள் தொடர்ந்து இயங்குவதால், அவை இயற்கையான பம்ப் போல வேலை செய்து, லிம்ப் திரவத்தை மேலே செலுத்துகின்றன.

---

2️⃣ சுற்றாடல் மேம்பாடு – நச்சு வெளியேற்றம்

👉 சைக்கிள் ஓட்டுவதால் ரத்த ஓட்டம் சீராக இயங்குகிறது.

👉 ரத்த ஓட்டமும், லிம்ப் ஓட்டமும் (circulation & lymph flow) இரண்டும் ஒன்றோடொன்று தொடர்புடையவை.

👉 இதனால் உடலில் தேங்கும் திரவம் (fluid stagnation) குறைகிறது.

✅ குறிப்பாக கால்களில் வீக்கம், சோர்வு போன்றவை குறைகின்றன.

---

3️⃣ ஆழ்ந்த சுவாசம் – உடலின் உள்ளக சுத்திகரிப்பு

👉 சைக்கிள் ஓட்டும் போது நம் சுவாசம் ஆழமாகிறது.

👉 சுவாசிக்கும் போது diaphragm “pump” போல வேலை செய்து, thoracic duct (மிகப்பெரிய லிம்ப் குழாய்) மூலம் லிம்ப் திரவத்தை மீண்டும் ரத்த ஓட்டத்தில் செலுத்துகிறது.

🌬️ இதனால் உடல் புத்துணர்ச்சி பெறுகிறது.

---

4️⃣ நோய் எதிர்ப்பு சக்தி (Immunity) அதிகரிப்பு

👉 லிம்ப் சிஸ்டத்தின் முக்கிய வேலை நச்சு மற்றும் கழிவுகளை நீக்கி, நோய் எதிர்ப்பு செல்களை உடலெங்கும் கொண்டு செல்வது.

👉 சைக்கிள் ஓட்டுவது இந்த செயல்முறையை வேகமாக்கி, உடலின் இயற்கை பாதுகாப்பு அமைப்பை வலுப்படுத்துகிறது.

✅ காய்ச்சல், தொற்று, சோர்வு போன்றவை வராமல் தடுக்க உதவுகிறது.

---

5️⃣ மனம் & உடலுக்கு இரட்டை நன்மை

👉 சைக்கிள் ஓட்டும்போது மூளை அதிக ஆக்ஸிஜன் பெறுவதால், மனம் தெளிவாகிறது.

👉 மன அழுத்தம் குறைந்து, மனநிறைவு அதிகரிக்கிறது.

👉 உடலின் ஒவ்வொரு செல்லும் புத்துணர்ச்சி பெறுகிறது.

---

🌟 சுருக்கமாக:

சைக்கிள் ஓட்டுவது = உடலின் டீடாக்ஸ் (Detox) + நோய் எதிர்ப்பு சக்தி + மன அமைதி அனைத்தையும் ஒரே நேரத்தில் தரும் அற்புத மருந்து! 🌿

💚 தினமும் 20–30 நிமிடங்கள் சைக்கிள் ஓட்டுவதால்:

✔️ உடல் எடை கட்டுப்படும்

✔️ வீக்கம், சோர்வு குறையும்

✔️ நச்சு நீங்கும்

✔️ நோய் எதிர்ப்பு சக்தி உயரும்

✔️ மனம் தெளிவு பெறும்

Karthikeyan selvaraj

யாரய்யா பாடுறது?. என்னய்யா வாய்ஸ் இது?. அந்தப் பொண்ணை போகச் சொல்லுங்க!..

பரபரப்பாக இயங்கிக்கொண்டிருந்த அன்றைய ரேவதி ஸ்டுடியோ ரெக்கார்டிங் ரூம்!..டி.ஆர்.மகாலிங்கத்தின் தெருப் பாடகனுக்காக பாட வந்த பெண்ணுக்கு நேர்ந்த அவமானம்!..சின்னப் பொண்ணு!.. கண்ணில் நீர் முட்ட அங்கிருந்து நகர்ந்து தனது தாயைத் தேடி ஓடியது.மடியில் முகம் புதைத்து விம்ம

தாய்க்குத் தாங்கவில்லை!..பரவாயில்லை!.. விடும்மா!..தலை கோதிய தாய் கூறினார்!..உன் குரலுக்காக இந்த ஊரே காத்துக் கிடக்கப் போகுது பாரு!..அந்தத் தாயின் வாக்கு பிற்காலத்தில் பலித்தது.உட்கார்ந்திருந்த கூட்டம் எழுந்து ஆடத் தொடங்கியது இந்தக் குரலைக் கேட்டதும்.அப்படி ஆட வைத்த குரலுக்குச் சொந்தக்காரர் என்கிறது நமது இசைக்குழு.

தமிழ்த் திரையுலகில் வித்தியாசமான இந்தக் குரலை ஆரம்பத்தில் விரட்டி விட்டவர் ஒலிப்பதிவு மேதை ரங்கசாமி!.. அவரைச் சொல்லிக் குற்றமில்லை!..எம்.எஸ்.தொடங்கி எம்.எல்.வி.ஜிக்கி லீலா என பல குயில்களின் குரல்களை பதிவு செய்தவர்.இதென்னடா இப்படியொரு குரல் என வந்த கோபமது.ஆனால் அந்த வித்தியாசமான குரல் தான் எங்களுக்குத் தேவை என நின்றது

அன்றைய இளைஞர் கூட்டம்.

ர்ர்ர்ருக்குமணியே!...பப்பரப்பரபர சக்கரப் பெண்ணே!..பப்பரப்பரபர முத்து மொழியே!..அதிரடியாக ஹை பிட்சில் அலறும்போது ஆஹா!.. என ஆடிய கூட்டத்தை கட்டிப்போட்டது ஈஸ்வரியின் குரல்.அதென்னவோ சுசீலாம்மா ஜானகியம்மா என மரியாதை வரும்போது ஈஸ்வரியம்மா வர மறுக்கிறது.வயது என்பதைத் தாண்டியபோதும் ஏனோ இந்தக் குரலில் இளமை கொப்பளிக்கிறது.நம்ம பக்கத்து வீட்டு ஈஸ்வரியக்கா!..என்ற நினைப்பு தான் வருகிறது.

இளையாங்குடி பூர்வீகம் என்றாலும் சென்னை தான் லூர்து மேரி ராஜேஸ்வரி பிறந்து வளர்ந்ததெல்லாம்.அப்பா அந்தோணிசாமி மூன்று பிள்ளைகளைத் தந்துவிட்டு இளமையிலேயே விடை பெற்றுக்கொண்டார்.பாவம் ரெஜினா நிர்மலா!.. ஆண் துணை இல்லாத சென்னைப் பட்டினத்தில் வாழ்வதே ஒரு சவாலான விஷயம்.சர்ச்சில் கோரஸ் பாடிய அனுபவம்.சினிமா ஸ்டுடியோக்களுக்கு பயன்பட்டது.அரை வயிறு கஞ்சி அதனால் தான் கிடைத்தது.ராஜேஸ்வரியின் பள்ளிப் படிப்பில் பாடலுக்கு முக்கியத்துவம் இருந்தது.அந்தக் கால பெண்களுக்கு கல்லூரி எட்டாக் கனி.அம்மாவோடு கோரஸ் போகும்போது ஸ்டுடியோ அறிமுகம்.54ல் மனோகரா ரெக்கார்டிங்கில் ஒரு வாய் குறைந்தது.வெங்கட்ராமன் இந்தப் பெண்ணைப் பிடித்து மைக் முன் நிறுத்தியது தான் ஆரம்பம்.திருச்சி லோகநாதன் ரெகமண்டில் மகாலிங்கம் படத்திற்கு பாட வந்தபோது தான் அந்த விரட்டியடிப்பு.

லோகநாதன் விடாமல் இசைத் திலகத்திடம் கொண்டு போனார்.அங்கும் கோரஸ் தான்.இவ வாய்ஸ் வித்தியாசமா இருக்கே!.. வியந்தது ஏ.பி.என்.நல்ல இடத்து சம்பந்தம் அது.புதுப் பெண்ணே புதுப் பெண்ணே நிமிர்ந்து பாரு என்றார்கள்.துக்கத்திலும் சிரிக்கணும் துணையுடனே இருக்கணும்.இங்கும் சிக்கல்.மருதகாசி குறுக்கிட்டார்.தமிழ் உச்சரிப்பு சரியில்லையே!.. அதெல்லாம் சரிபண்ணிடலாம்.ஏ.பி.என். சொன்னபோது ராஜேஸ்வரிக்கு சந்தோஷம்.ரங்கசாமி ஏதாவது சொன்னால்?. அதெல்லாம் நான் பாத்துக்கிறேன்.ஏ.பி.என்.உறுதி தந்தார்.ஏற்கனவே இங்கொரு ராஜேஸ்வரி இருக்கு. நீ என்ன பண்றே !.. பேரை கொஞ்சம் சுருக்கிக்கோ!..வி.கே.ஆர் தலையாட்ட ஏ.பி.என்.இட்ட நாமகரணம் தான் எல்.ஆர்.ஈஸ்வரி.நியூமராலஜி தெரியாத ஈஸ்வரிக்கு பெயரை வெட்டியதில் சங்கடம் தான்.வண்டி டாப் கியரில் போகக் காரணம் மெல்லிசை மன்னர்.

61 ல் தான் அந்த வாய்ப்பு கிடைத்தது.பாச மலருக்காக ஜமுனா ராணியோடு கோரஸ்.பாட்டொன்று கேட்டேன் பரவசமானேன்.ராத்திரி பத்து மணிக்குத் தொடங்கியது.கூடப் பாடப் பாட ரிகர்ஸல் நீண்டு கொண்டே போனது.அது ஒரு நீண்ட இரவு!.. இறுதியில் அடுத்த பாட்டு நீ தான் என்றார் எம்.எஸ்.வி.சோலோ என்றதும் உதறல் எடுத்தது.இப்போது தான் கத்திக் கத்தி ஓய்ந்தபோது ஒரு மணி.இப்போது போய் பாடு என்றால்!..வாராய் என் தோழீ!.. வாராயோ!..வார்த்தைகள் வரவில்லை.பரவாயில்லை! .. நாளைக்கு பார்த்துக்கலாம்! .. பெருந்தன்மையோடு எம்.எஸ்.வி.சொல்ல அந்தப் பாடல் பட்டி தொட்டியெங்கும் இப்படி பட்டையைக் கிளப்பும் என அப்போது தெரியவில்லை.இசைத் திலகம் அழைத்து பாராட்டினார்.பிரமாதப்படுத்திட்டேம்மா!..பொண்ணு மாப்பிளே ஒண்ணாப் போகுது ஜிகுஜிகு வண்டியிலே!.. மாமா தான் அந்த ஹிட்டைத் தந்தது.இப்போது எம்.எஸ்.வி.அறுபதுகளின் ஆரம்பம் அந்தப் பொண்ணுக்கு அமர்க்களமானது.

டி.எம்.எஸ்ஸோடு இணையும் பாடல்களில் அவரை அப்பாவியாக நிற்க வைத்து அதகளம் பண்ணுவார் ஈஸ்வரி!..கேட்டுக்கோடீ உர்ர்ருமி மேளம் என பந்தாக் காட்ட வீ ஷல் மீட் என ஆங்கிலத்தில் எடுத்து விட்டு ஓ..மை...ஸ்வீட்டீ!..குட்டும்மீ அங்க்கிள்!...எம்.எஸ்.விக்கு குஷி வந்துவிடும்..அந்த ஐந்தடி உயரத்திற்கு ஆனந்தம்!.. டாட்ட..டா...டடட்..டடட்டீ...திரையில் அப்படியே தெரியும்.கலைச்செல்வி நடிகர் திலகம் ஆட்டம்.குடி..மகனே...பெருங்குடி மகனே!..நான் கொடுக்கட்டுமா?.என்..உள்ளம் உந்தன் ஆரா..தனை...என் நெஞ்சில் வைத்தேன் அன்பால் உனை. .ஆரோக்கியமான போட்டி!..சோலோவாகட்டும் ஜோடிக் குரலாகட்டும் ஈஸ்வரி தனித்தன்மையோடு திகழ்வார்.விதவிதமான கேரக்டர்கள்.வார்த்தைகளுக்கு அவர் தரும் மரியாதை!.. கவிஞர்களே திணறிப்போவார்கள்.அதிசய உலகம்...ரகசிய இதயம்...பொன்னுழகில்...நான் உன்னை அழைத்தேன் கேட்டுப் பாருங்கள்.நா..ம் ஒருவரை ஒருவர் சந்திப்போமென காதல் தேவை சொன்னாள்.என் இடது கண்ணும் துடித்தது....நீர் குடித்த மேகம்...என் நீல வண்ணக் கூந்தல்.அந்த கூந்தலுக்குள் ஒரு குவாட்டர் பாட்டில் இருக்கும். வரிக்கு வரி நம்மை வியக்க வைப்பார்.

கருப்புப் பணத்திற்காக கவிஞர் எழுதிக்கொடுத்துவிட்டார்.யாரை பாட வைக்கப்போறே?. சுசீலா தான்!..அடப் போயா!.. ஈஸ்வரியைப் போடு!.. இல்ல கவிஞரே!.. ஸ்லோவான பாட்டு!..அவ செட்டாகமாட்டா!..நான் சொல்றேன்! .. பாட்டு ஹிட்டாகும் பாரு!..ஹிட்டாயிடுச்சு!..அம்மம்மா கேளடி தோழீ...கண்ணா..ளே ஆயிரம் சேதி!... நம்ம ஈஸ்வரியா?. பிஞ்சா..க நா..னிருந்தேனே அஞ்சாமல் அணைத்துவிட்டானே!.. அச்சாரம் கொடுத்துவிட்டு..டானே!..முத்தாரம் சரிய வைத்தானே முள் மேலே தூங்க வைத்தானே!...அட்டகாசமாக பாடிக் கொடுத்தார்.யாருக்குமே அறிமுகம் இல்லாத எதிர்காலத்தில் ஒரு அட்டகாசமான பாடல்.வாணிஸ்ரீக்காக.மௌனம் தான் பேசியதோ மயக்கம் தான் பேசியதோ...கண் வழியே என் மனது கவிதை போல் ஓடியதோ...சரணங்களில் அசத்தியிருப்பார்.ஒரு முகம் வருகிறது. தினம் தினம்.அறிமுகம் நடக்கிறது சுகம் சுகம்.பக்கம் வந்து பள்ளி கொண்டு வெட்கத்தையும் விட்ட பின்பு விட்ட குறை தொட்ட குறை ஏ..தோ..என்ன நினைப்பு!.. இந்த நினைப்பு!..இது இரவைத் தேடும் பால் நிலவு.அருமையானதொரு அனுபவம்.வளைந்து நெளிந்து ஏற்ற இறக்கங்களில் பயணிக்கும் மெட்டில் என்ன ஒரு பயணம்!..

கே.எஸ்.ஜியின் அசத்தலான ஸ்கிரிப்ட்டில் தட்டு தடுமாறி நெஞ்சம் .சீர்காழியோடு அட்டகாசமாக இணைந்திருப்பார்.பூத்துச் சிரிக்கின்ற புன்னகையை நான் பார்த்துப் பசியாற வேண்டும்.சிருங்கார ரசத்தில் தோய்ந்த பாடல்!..அதே கே.எஸ்.ஜியின் சித்தியில் பி.பி.எஸ்ஸோடு சந்திக்க வைத்திருப்பார்.முல்லை மலர் மஞ்சம் விரிப்போமா!.. முத்துச் சிப்பி போலே சிரிப்போமா!.. ஆஹா...ஹா..ஹா...அழகான ஜோடிப் பாடல்.டி.எம்.எஸ்.ஸோடு கோட்டை மதில் மேலே ஒரு வெள்ளைப் பூனை.இன்னொரு அழகு.உள்ளம் பூப்போன்றது.எண்ணம் பால் போன்றது.சட்டென மாறும் மெட்டு.சின்ன ராணி...வண்ண மேனி..ஆசை நீ..ராடுது அச்சம் போ..ராடுது..எப்படியெல்லாம் டியூன் போட்டாலும் அசராமல் அடித்துத் துவைப்பார்.நமக்கெல்லாம் தெரிந்த நாடு கொண்ட பூங்கொடி காடு வந்த காரணம் ஒரு முறை எண்ணிப் பார்!.. சவுக்கடி!..தேடி வரும் நாடகம் கூடி வரும் வேளையில் மறுபடி என்னைப் பார்!.. சவுக்கடி!...வலை போட்டுப் பிடித்தா..லும் கிடைக்...காதது!..ஹ..ஹ்ஹா...துடித்து எழுந்தது!... கதை முடிக்க நினைத்தது!... நில்லுங்கள் நிமிர்ந்து நில்லுங்கள்.எங்காவது ஈஸ்வரியை பொது வெளியில் பார்க்க நேர்ந்தால் நிமிர்ந்து தான் நிற்பார்!.. கூனிக் குறுகி!.. பஞ்சாயத்தெல்லாம் அவரிடம் இல்லை!.. அதைத் தான் தனது பாடல்களிலும் வெளிப்படுத்தினார்.

எனக்குப் பிடித்த ஈஸ்வரியை கலைக்கோயிலில் காணலாம்.அந்த முள்ளில் ரோஜா...கள்ளூறும் ரோஜா...கண்மணீ சரோ. .ஜா!..பி.பி.எஸ்ஸோடு அற்புதமாக இணைந்திருப்பார்.என்னைத் தொட்டுப் பேசும் எண்ணம் அங்கே இல்லை!..இல்லை என்று சொல்லும் எண்ணம் இங்கே இல்லை..பா..ம..க..ஸ..ஸ..ரிக. .ரிக..ஸ்வர லயங்கள் சுழன்றாட போதையில் தள்ளாடிய குரல்கள்.அதே போன்றதொரு அழகு பாடல்.அம்மம்மா. ..கன்னத்தில் கன்னம் வைத்துக் கொள்ளு! ...கள்ளுண்ட பூவைக் கொஞ்சம் கிள்ளு..இன்னொரு கிறக்கமான பாடல்.அடடா!.. என்ன அழகு அருகே வந்து பழகு! ... அனல் மேல் வைத்த மெழுகு அது போல் நீயும் உருகு. ..வாலியின் அட்டகாசத்தால் ஈஸ்வரி எழிலாக மாறியிருப்பார்.கல்யாணம் கச்சேரி எல்லாமே வழி வழி வந்திருக்கு!.. அதில் வாழும் பண்பிருக்கு.பாலுவோடு போட்டி போட்ட ஈஸ்வரி.தரிசனத்தில் டி.எம்.எஸ்ஸோடு வந்த இது மாலை..நேரத்து மயக்கம் இன்னொரு கிறக்கம்.முனிவன் மனமும் மயங்கும் மேனி மோக வாசல் தானோ!...இல்லறம் கேட்டால் துறவறம் கேட்கும் இதயமே மாறி விடு!.. அந்தக் கெஞ்சலில் ஒரு கொஞ்சல் இருக்கும்.மறந்தே போச்சு ரொம்ப நா..ளாச்சு மடி மேல் விளையாடி!.. பாலுவோடு அசத்தலாக விளையாடியது இந்தக் குரல்.மறந்தா போகும்!.. மனதுக்குத் தெரியும்.பொழுதுண்டு விளையாட...அதே பாலுவோடு ஆரம்பம் இன்றே ஆகட்டும்.ஆஆஆ...ஆறேழு நாட்கள் போகட்டும்....ம்ம்ம்..இப்போதே அள்ளிக் கொள்ளக் கூடாது...ஈஸ்வரிக்கு தனக்கு முன்னால் நிற்கும் மைக் தான் எப்போதும் காதலன்.அந்த மைக்கை ஒரு ஆணாக பாவித்துக்கொள்ளுவார்.அவரே சொன்னது.அந்த இன்வால்வ்மெண்ட் அற்புதமானது.உறவினில்...ஃபிப்டி ஃப்டி!.. உதட்டினில் பாதிப் பாதி!.. முத்த மழையிங்கு பொங்கி வர பொங்கி வர அந்த வண்ண மயில் தத்தி வரும்போது அட்டகாசமாக இருக்கும்.

சிலர் குடிப்பது போலே நடிப்பார். ..சிலர் நடிப்பது போலே குடிப்பார்...சிலர் பாட்டில் மயங்குவார்...சிலர் பாட்டிலில் மயங்குவார்.கவியரசு வரிகளை இருவரும் பிரித்து மேய்ந்திருப்பார்கள்.மின் மினியைக் கண்மணியாய் கொண்டவளை என்னிடமே தந்தாள் பாடலிலும் அதே ஈடுபாடு.சச்சா... மம்மா ...பப்பா. ..ஹோ...உன் விழியும் என் வாளும் சந்தித்தால்?. கத்தி முனை காயம் செய்யும்...கண் பட்டால் மாயம் செய்யும்..மாயம் செய்த குரல்கள்.துள்ளுவதோ இளமையில் துள்ளாட்டம் போட்ட குரல்கள்.அவளுக்கென்ன அழகிய முகத்தில் அசத்திய குரல்கள்.இன்னொரு பெண் குரலா? . அதற்கும் ரெடி!.. அடிப் போடீ!.. பைத்தியக்காரீ!.. நான் அறியாதவளா சின்னஞ்சிறுசா?. நான் அறிந்தவள் தான் உன்னைப் புரிந்தவள் தான்.போட்டியில் தூள் பறக்கும்.கடவுள் தந்த இரு மலர்கள் பாடலில் இன்னொரு போட்டி!.. மலருக்குத் தென்றல் பகையானால் பாடலில் உருக்கமான ஈஸ்வரி.உனது மலர் கொடியிலே மற்றொரு அசத்தல்.கட்டோடு குழலாட ஆட!.. வேறொரு அருமையான அனுபவம்.தூது செல்ல ஒரு தோழி இல்லையென துயர் கொண்ட தலைவியில் அட்டகாசமான அனுபவம்.பொறந்தாலும் பொம்பளையா பொறக்கக் கூடாது..காமெடியிலும் கலக்கிய ஈஸ்வரி!..பாண்டியன் நானிருக்க....ஏன்டீ உனக்கு...அஜக் தான் குமக் தான்.ஆச்சிக்காக அசத்திய பாடல்.தனித்து விளங்கிய ஈஸ்வரி இன்னொரு ரகம்.

அடி என்னடி உலகம்..இதில் எத்தனை கலகம் என்று கேட்ட குரலில் ஆதங்கமே அதிகமிருந்தது.கா..தோடு தான் நா..ன் பாடுவேன் பாடலில் சிருங்காரம் இருந்தது.ஆடவரெல்லாம் ஆட வரலாம் பாடலில் இளமை இருந்தது.கண்களும் காவடி சிந்தாடட்டும் காளையர் நெஞ்சத்தைப் பந்தாடட்டும் பாடலில் துள்ளல் இருந்தது.உங்க நல்ல மனசுக்கொரு குறையுமில்லே தானத் தந்த னானா!..பாடலில் நல்ல மனசு தெரிந்தது.எல்லோரும் பார்க்க...என் உல்லாச வாழ்க்கை...பாடலில் ஆற்ற முடியாத சோகம் இருந்தது.மாப்பிள்ளை ரகசியம் சொல்லவா நான் சொல்லவா பாடலில் கிண்டலும் கேலியும் இருந்தது.அவளொரு கதாநாயகி... ம்ம்ம் நானொரு கதாநாயகி....நான் முள்ளில் விழுந்த பட்டுச் சேலை!... முள்ளாய் நின்றவன் யார்?. கோபம் தெரிந்தது.நானொரு காதல் சன்யாசி....நாளொரு மேடை என் ராசி...பல மேடைகளை அலங்கரித்தது இந்தக் குரல்.பலே பலே மகாடியோய்!.. பங்காரு நா சாமியோய்!.. தெலுங்கு தேசத்தில் ஈஸ்வரி இன்றும் கொண்டாடப்படுகிறார்.அரை குறை ஆடையோடு ஆண்களைக் கவர ஆடிப் பாடும் பெண்களுக்காக இருந்த ஒரே குரல்.அப்படியே ஆன்மீகம் பேசியபோதும் ஏற்றுக்கொண்டது தான் வியப்பு.செல்லாத்தா எங்க மாரியாத்தா என வீதிக்கு வீதி ஈஸ்வரி குரல் அலறியபோது பலர் கன்னத்தில் போட்டுக்கொண்டது வியப்பான விஷயம் தான்.ஏற்றுக்கொண்ட மதம் வேறாக இருந்தாலும் இவர் ஏறாத கோயில்கள் இல்லை.எந்தக் கோயில் விசேஷமாக இருந்தாலும் ஈஸ்வரி இருந்தால் கூட்டம் அள்ளும்.இது எந்தப் பாடகிகளுக்கும் கிடைக்காத வரம்.இது தான் இந்தப் பெண்மணியை இப்போதும் வாழ வைத்துக்கொண்டிருக்கிறது.ஆடுவது உடலுக்கு விளையாட்டு பாடுவது மனதுக்கு விளையாட்டு இரண்டும் இருந்தால் அழகு வளரும்.அழகு குறையாத ஈஸ்வரி..பெண்ணுக்குத் துணைவன் பகையானால் அந்த பேதையின் வாழ்வில் ஒளியேது?. முத்தாரமே உன் ஊடல் என்னவோ?. அத்தானிடம் என் கோபம் செல்லுமோ?. அந்த சிக்கல் இந்தக் குரலுக்கு இல்லை!.. உடன் பிறப்புகளின் பிள்ளைகளை தன் பிள்ளைகளாக பாவித்து இனிமையாகக் கழிகிறது இவரது வாழ்க்கை.

- இது ஒரு இணைய தள பதிவு!