வரிக்குதிரை பற்றிய அரிய தகவல்கள் ஏதேனும் பகிர முடியுமா?

அரிய தகவல்கள்:

இதெல்லாம் அரிய தகவல்களான்னு தெரில. ஆனா நான் படிச்சு தெரிஞ்சிகிட்ட விடயங்கள். கண்டிப்பா உங்களுக்கும் உபயோகப்படும்.

வரிக்குதிரைகளோட உடல்ல இருக்குற வரிகள், நம்மோட கைக்கோடு மாதிரி தனித்துவமானது. ஒவ்வொன்னுக்கும் வேறுபாடு இருக்கும்.
இதோட உடல்ல கறுப்பு வெள்ளை வரியெல்லாம் மேல், கீழா நெடுக்கு கோடாவும், கால்கள்ல பக்கவாட்டு இல்லன கிடைமட்ட கோடாவும் இருக்கும். (படத்தைப் பார்க்கவும்)

இதோட வரிகளுக்கான காரணமா சொல்லப்படுறது என்னன்னா, வேட்டைக்கார விலங்குகள்ட இருந்து தப்பிக்குறதுக்காகத் தான் இப்படி வரி இருக்குதாம்.
இந்த வரி இருந்தா எப்படி தப்பிக்கும்?

இதோட பூர்வீகம்னு எடுத்துகிட்டா ஆப்பிரிக்கா. அங்க உள்ள காடுகள்ல பெரும்பாலும் புல்வெளிகள் அதிகமா இருக்கும்.
அந்த காட்டுப்பகுதிகள்ல இருக்குற புல்லோட இது இருக்கும்போது மத்த விலங்குகளால அடையாளம் கண்டுபிடிக்க முடியாது.
அது எப்படி, வரிக்குதிரை எங்க இருந்து பாத்தாலும் தெளிவா தெரியும். அப்படி இருக்கும் போது பச்சை புல்வெளிகள்ல இதோட நிறம் காட்டிகுடுத்துடும்ல?

நாம பாக்குற மாதிரியே விலங்குகளும் பார்க்காது. நம்மோட கண்கள்ல குச்சி, கூம்பு செல்கள்லாம் இருக்குது. அது தான் தெளிவான வண்ணங்களை பிரிச்சி பார்க்க நமக்கு உதவி செய்யுது. ஆனால் வேட்டை விலங்குகள் அல்லது பெரும்பாலான விலங்குகள்ல அப்படி ஏதும் இல்ல. சில விலங்குல இருந்தாலும்(சிங்கம், புலி) அதோட செயல்பாடு கம்மியா தான் இருக்கும். தெளிவா பார்க்க முடியாது. இதை நிறக்குருடுன்னும் சொல்வாங்க.
இந்த வரிக்குதிரைகள்ல 3 வகை இருக்குது. இம்பீரியல் வரிக்குதிரை, மலை வரிக்குதிரை, சாதாரண வரிக்குதிரை.
வரிக்குதிரைல இருக்குற ரெண்டு நிறத்துல, கருப்பு நிறத்துல அமைந்துள்ள பகுதியோட மயிர்கள் மட்டுந்தான் அதிகமா அசையுமாம். சில நேரங்கள்ல இந்த மயிரெல்லாம் சிலிர்ப்பான எப்டி இருக்குமோ அப்படி நேரா நட்டுகிட்டு நிக்குமாம்.
வெள்ளை நிற மயிர்களை அதிகமா பயன்படுத்துறதில்ல. இது வெப்பத்தை கட்டுப்படுத்துறதுக்காக அப்டின்னு விலங்கியலாளர்கள் சொல்றாங்க.
(இயல்பாவே கருப்பு வெப்பத்தை உறிஞ்சும், வெள்ளைய விட. அதனால வெப்ப வேறுபாடு இருக்கும்னு நினைக்குறேன்)

வரிக்குதிரைகள் மேயும்போது, எல்லாம் ஒரே திசையில் திரும்பியபடி இருக்கும். ஆனால், அவற்றில் ஒன்றுமட்டும் எதிர்திசையில் திரும்பி, பின்பக்கமாக ஏதாவது ஆபத்து வருகிறதா என்று பார்த்துக்கொண்டிருக்கும்.
காட்டில் தனியாக ஒரு வரிக்குதிரைமட்டும் மேய வேண்டியிருந்தால், அது தனக்குத் துணையாக ‘காங்கோனிஸ்’ என்னும் மானைச் சேர்த்துக்கொள்ளும்.
வரிக்குதிரை ஓய்வெடுக்கும்போது, அந்த மான் நின்றபடியே சுற்றுமுற்றும் கவனித்துக்கொண்டிருக்கும். ஆபத்து வரும்போல் தெரிந்தால், எச்சரிக்கை செய்து, வரிக்குதிரையை எழுப்பிவிடும்.
வரிக்குதிரையின் உடல்ல ஒரு பக்கம் இருக்குற வரி, கொஞ்சமும் மாறாம அப்டியே அடுத்த பக்கமும் இருக்கும்.
இதோட தலைக்கு பின்னாடில இருந்து வால் வரைக்கும் “தூரிகை” மாதிரி அமைப்பு இருக்குது. இதுவும் வெப்ப கட்டுப்பாட்டுல உதவுதுன்னு சொல்றாங்க.
இது குதிரைய விட வேகமா ஓடாது. ஆனா தேவைப்பட்டுச்சுன்னா 80கி.மீ வேகத்துல ஓடுமாம்.
வேட்டை விலங்குகள்ட இருந்து தப்பிக்க Zig-Zag முறைல ஓடுமாம். (Zig zag Zebra நல்லா இருக்குதுல்ல 😂) .
வரிக்குதிரை சூழ்நிலைக்கேத்த மாதிரி சில நேரங்கள்ல நாய் மாதிரி குரைக்குமாம், கழுதை மாதிரியும் கத்துமாம்.
வரிக்குதிரையோட காதுகள வச்சே அதுங்க என்ன மனநிலைல இருக்குன்னு தெரிஞ்சுக்கலாம். அமைதியா, நல்ல மனநிலையில இருக்கும்போது காது நேராக இருக்கும்.
பயப்படும்போது முன்னோக்கியும், கோபப்படும் போது பின்னோக்கியும் காதை வச்சிருக்கும்.
மத்த விலங்கப்போல இதுக்குன்னு இனப்பெருக்க காலம்லாம் இல்ல.
டிசம்பர்ல இருந்து மார்ச் மாசத்து தான் அதிகமா இனப்பெருக்கம் செய்யுது. அதனால இதை வேனா இனப்பெருக்க காலம்னு சொல்லலாம்.
இதோட கர்ப்பகாலம் 350-390 நாள்.
இந்த வரிக்குதிரைக்கு முக்கிய எதிரின்னு பாத்தா ஆப்பிரிக்க சிங்கம், சிறுத்தைகள், சிறுத்தைப் புலிகள், முதலை இதெல்லாம் தான்.
வரிக்குதிரைய பத்தி முக்கியமான இன்னொன்னு அதை சாதாரண குதிரை மாதிரி பழக்கப்படுத்த முடியாது. இதுக்கு முன்னாடி நிறைய முறை முயற்சி பண்ணி தோல்வி தான் பரிசா கிடச்சுது. (நன்றி: ராஜகோபாலன் ஐயா)
படிமம்: கூகிள்(விக்கிபீடியா)

தொகுப்பு வெளியீடு: விலங்கியல் மாணவன் சாமுவேல் ஜோசப் ராஜ். வே